0 thoughts on “Kaisa lagta hoga – a poem

  1. J

    kaisa lagta hai,
    pyar se galey laga ke rona
    tum jaantey ho

    kaisa lagta hai,
    baithey-baithey khwabon mein khona
    tum jaantey ho

    kaisa lagta hai,
    aansuon se, muskurahton se, kisi pe pagal hona
    tum jaantey ho

    chaltey-bhagtey, beet jaati hai zindagi
    dil dhadak nahi pata hai
    chaltey-chaltey dard kartey hein paanv
    insaan kahin pahunch nahi pata hai
    muskuratey-muskuratey moonh thak jaatein hein
    dil hans nahi pata hai
    khushi ke aansoon kya hotey hein
    kabhi jana nahi
    aansuon mein umr nikal jati hai
    pur mun khull ke ro nahi pata hai

    tum ho, mein hoon
    hum saath hein
    billi ke bachchey ko hum saath sehlayengey
    apney bachchey ko mein rakhungi tumhari god mein
    usey lori hum saath sunayengey

    akelapan chaho to bol dena mujhey,
    chali jaoongi, kuchh der
    lekin hum mun mein rehtey hein ek doosrey ke
    complete akelapun kaisey paaogey .. 🙂